КАРТИНГ 4/10/2008

Рико најбрз и на дождот во Бугарија
Нашата најголема автомобилистичка надеж, 12-годишниот Ристо Вуков, триумфираше на отвореното картинг првенство на Бугарија, кое викендов се одржа на патеката во Хасково. Популарниот Рико настапи во класата КФ3 до 100 кубни сантиметри и во конкуренција на осуммина возачи беше најбрз на двете неделни трки, како и на саботните квалификации. На влажната патека Рико ги остави зад себе останатите побогати клубови и уште еднаш покажа дека не за џабе е најголемиот адут за афирмација на Македонија во светот на автомобилизмот.
Следниот предизвик на Рико ќе биде трката во рамките на отворениот шампионат на Македонија во картинг, кој викендов стартува на патеката во Волково.